История - МБОУ Ю-КНШ-ДС "Кэнчээри"

Поиск
Перейти к контенту

Главное меню:

История

Чурапчы улууһун Одьулуун нэһилиэгин Үрэх Күөрэ учаастага урут - уруккуттан сүөһү сылгы иититинэн дьарыктанар улахан холхуостар тэриллэн үтүө-мааны дьон олохсуйан үлэлээн хамсаан ааспыт сирдэрэ.

Тыа сиригэр урут да билигин да сырдыгы саҕааччынан оскуола буолар. Дьон кэпсииринэн Үрэх Күөрэ учаастагар 1967 с. алын сүһүөх оскуола аһыллан үлэтин са5алыыр. Манна Слепцов Влас Тимофеевич учууталынан уонна сэбиэдиссэй эбээһинэһин толорор . 1-3 кылаастары Влас Тимофеевич үөрэппитэ. 2-4 кылаастары Мордовская Елена Сергеевна үөрэппитэ.

Бу сылтан Влас Тимофеевич деткомбинат туттарыытын туруорсан саҕалыыр.

1969 с. оскуола сабыллан Одьулуун аҕыс кылаастаах оскуолатыгар көһөрүллэр.

1970 сыллаахха М.Е.Колодезникова үөрэҕин бүтэрэн направлениянан үлэлии кэлэр. Сүүрбэтиттэн эрэ тахсыбыт эдэр специалистка саҥа тутулла сылдьар объегы бүтэттэрэн, үлэhиттэрин сүүмэрдээн, оҕонон толорон ыраах учаастак сиргэ 50 миэстэлээх ясли сады астарар. Бу улахан детсадка Чурапчыттан, Одьулуунтан, Мындаҕаайыттан тиийэ оҕолору ылаллар. Бу үлэни Мария Егоровна майгыта суобаhа үчүгэйиттэн, дьону кытта уопсай тылы буларыттан уонна тус үлэтигэр бэриниилээҕинэн үлэни кыайар. Манна иитээччилэринэн Ноева Ирина Ивановна, Шестакова Любовь Васильевна, Дьячковская Мария Ивановна олус бэриниилээхтик үлэлииллэр.

1974 сыллаахха Үрэх Күөрэҕэ детсады сабан Одьулууҥҥа көһөрөн, олохтоох оҕолор хонуктаах уһуйааҥҥа сылдьарга күһэллэллэр.

Хаһан да ханна да буоларын курдук нэһилиэк дьоно туруорсан, туох баар күүстэрин, үтүө санааларын ууран сана уһуйаан дьиэтин  тутан үөрүүлээхтик арыйаллар. Манна сэбиэдиссэйинэн Литвинцева Анастасия Семеновна, иитээччилэринэн Матвеева (Попова) Людмила Семеновна, Павлова Розалия Филипповна үлэлииллэр. Ити курдук оскуола детсад өрө күүрүүлээхтик үлэтин салҕыыр. Оччолорго уһуйаан уонна оскуола тус туспа тэрилтэ этилэр.

Ол кэннэ 1993-1994 үөрэх дьылыгар  реорганизация баран, оскуола-сад буолар статуһун ылар. Бу сылларга улууска оскуола-садтар саҥа тэриллэн эрэр кэмнэрэ этэ. Манна директорынан Решетникова Татьяна Николаевна үлэлиир. Учууталларынан Гуляева Т.М., Федорова Л.А.,  иитээччинэн  Илларионова Т.А, Игнатьева А.С. Детсады уонна начальнай оскуоланы холбоон улэлэтии  маҥнай кэккэ ыарахатары көрсүбүтэ. Ол да буоллар коллектив түмсүүлээх буолан, Татьяна Николаевна сатабыллаах салайыытынан үлэ сатанан испитэ.

Биһиги оскуола-уһуйааммытын араас кэмҥэ салайан, сыралаһан кэлбит үтүө дьоммут ааттарын ааттыырбын көнүллээн:
Слепцов Влас Тимофеевич 1967 - 1968
Колодезникова Мария Егоровна 1970 - 1974
Литвинцева анастасия Семеновна 1989 - 1990
Сысолятина Мария Прокопьевна 1990 - 1991
Парфёнов Алексей Николаевич 1991
Петрова Мария Петровна 1992 - 1993
Решетникова Татьяна Николаевна 1993 - 1999
Понамарёва Оксана Егоровна 1999 - 2001
Григорьева Анастасия Петровна 2001 - 2002
Седалищева Саргылана Максимовна 2002 - 2004
Тоскина Акулина Дмитриевна 2004 - 2006
Собакина Любовь Дмитриевна 2006 - 2008

2009 сылтан Үтүө дьыала чэрчитинэн многофункциональнай объект тутуутун нэһилиэк, олохтоохтор көмөлөрүнэн саҕалаан 2010 с. реконструкциялаан киирбитэ. Манна школа-сад, улахан спортивнай зал уонна ФАП баар буолбуттара .

Оскуолабыт иитэр-үөрэтэр улэҕэ ФГОСка, олох тэтиминэн бары өттүнэн сайдыылаах, ирдэбилгэ эппиэттиир условиены тэрийэн улэлиир сыаллаахпыт. Соруктарбыт:
Оҕо өй-санаа, эт-хаан өттүнэн сайдарыгар усулуобуйа тэрийии;
Үөрэнээччи толору, аныгы технологиялары туһанан билиини ылыахтаах. Учууталлар ирдэбилгэ сөп түбэһэр үөрэҕи ааһан үлэлииллэрин ситиһии;
Оҕо бары өттүнэн сатабыллаах, сайдыылаах буоларын ситиһии, бэйэ-бэйэлэригэр көмөлөсүһэн бииргэ үлэлииллэрин тэрийиэхтээхпит.

Биһиги оскуолабытыттан кынат анньынан тахсыбыт выпускниктарбыт республикаҕа, дойдуларыгар таһаарыылаахтык үлэлии - хамсыы   сылдьалларыттан  үөрэбит.  Кинилэр ситиһиилэрэ биһиэхэ тирэх, күүс-көмө буолар.

Кылааска төһө да аҕыйах үөрэнээччи баар буоллар, урут-уруккаттан биһиги үөрэнээччилэрбит улууска, республикаҕа ыытыллар күрэхтэргэ, куонкурустарга ситиһиилээхтик кытталлар. Үөрэх хаачыстыбата сыл ахсын тупсар. Педагогтар араас курстарга үөрэнэн таһымнарын үрдэтэллэр. Оскуола иһинэн тиһигин быспакка оҕо уонна төрөппүт бииргэ кыттар, аралдьыйар тэрээһиннэрэ ыытыллаллар. Коллектив кыра эрээри бары биир киһи курдук улэлиир-хамсыыр буолан, биһиги сайда, тупса турабыт.

 
Назад к содержимому | Назад к главному меню