«Көмүс күһүн» - Новости - МБОУ Ю-КНШ-ДС "Кэнчээри"

Поиск
Перейти к контенту

Главное меню:

«Көмүс күһүн»

Опубликовано вход Новость ·
Балаҕан  ыйын 20 күнүгэр оскуолабытыгар үгэс буолбут «Көмүс күһүн» оҕуруот аһын быыстапката буолан ааста. Сыала:
- Оҕолорго күһүҥҥү айылҕа уларыйыытын, уратытын билиһиннэрии;
- Күһүҥҥү үлэ-хамнас туһунан сырдатыы;
- «Күһүҥҥү киһи күлбүтүнэн» өс хоһоон суолтатын тиэрдии;
- оҕо уонна төрөппүт айар дьоҕурдарын сайыннарыы, бэйэ-бэйэҕэ эйэҕэс сыһыаны, үчүгэй настырыанньаны тиэрдии. Тэрээһин 4 түһүмэҕинэн ааста:
             1. Баай Сандалы (фотозона) – киэргэтиигэ барыанньалар, оҕуруот астара  
        2. «Саамай саамай…» (саамай саамай кыра, саамай саамай улахан, саамай саамай интириэһинэй дьүһүннээх оҕуруот астара).
             3. «Дорообо, көмүс күһүн» ФОТОКОНКУРС – күһүҥҥү айылҕаны, туох эмэ       дьиктини хаартыскаҕа түһэрии  
             4. Айылҕа матырыйаалыттан оҥоһук .
    Улахан махтал тылларын төрөппүттэргэ, чуолаан Зоя Савельевнаҕа тиэрдиэхпитин баҕарабыт. Олус кыһанан выставкаҕа барыанньа арааһын, оҕуруот аһа бөҕөнү аҕалбыт. Евдокия Михайловна суунэ улахан хаппыыстатын бары сөҕө көрдүбүт.
Күрэх аата күрэх, онон  кыайыылаах аатын Егоровтар дьиэ кэргэн айылҕа матырыйаалыттан кыыллары оҥорон ыллылар, барыанньанан наҕараадаланнылар.  Иккис миэстэҕэ Диодоровтар дьиэ кэргэн тиксэн хаппыыста, үһүс миэстэлээх Илларионовтар дьиэ кэргэн хортуосканан наҕараадаланнылар.
Кыттааччылар бары үөрэн-көтөн, хаартыскаҕа түһэн, сүргэлэрэ көтөҕүллэн тарҕастылар




Назад к содержимому | Назад к главному меню