Оскуола-уһуйааммыт 25 сыллаах юбилейа - Новости - МБОУ Ю-КНШ-ДС "Кэнчээри"

Поиск
Перейти к контенту

Главное меню:

Оскуола-уһуйааммыт 25 сыллаах юбилейа

Опубликовано вход Новость ·
Сэтинньи ый 29 күнүгэр тапталлаах оскуола-уһуйааммыт 25 сыллаах юбилейын көрсө олус долгутуулаах, үөрүүлээх тэрээһин буолан ааста.  Элбэх ыҥырыылаах ыалдьыттар, үөрэнэ үлэлии сылдьыбыт дьон кэлэн үөрэммит кыһаларын туһунан иһирэх тылларын этэн, урукку  кэмнэрин ахтан-санаан, ирэ-хоро сэһэргэһэн, дуоһуйа сынньанан бардылар. Үлэлии сылдьар оскуола-уһуйаан коллективыгар, директор Илларионова Екатерина Семеновнаҕа баҕа санаа бастыҥын эттилэр, бэлэхтэрин туттардылар.

Оскуола юбилейын көрсө «Үүнүү сайдыы аартыгынан» диэн Илларионова Е.С, Протодьяконова А.А хомуйан оҥорбут оскуола историятыттан бүгүҥҥү үлэтигэр тиийэ  сырдатар дьоҕус кинигэлэрэ бэчээттэнэн таҕыста.

Кинигэҕэ: Оскуола историята, ахтыылар, выпускниктар галереялара, киэн тутта ааттыыбыт, үлэлии сылдьыбыт дьон ааттара, оскуола бүгүҥҥү үлэтэ-хамнаҥа, ситиһиилэрэ киирдилэр

Бу тэрээһиҥҥэ оскуола – уһуйаан коллективын үлэһиттэрэ бары биир киһи курдук турунан, түүннэри күнүстэри үлэлээн дьон-сэргэ махталын ыллылар.
 
 



Назад к содержимому | Назад к главному меню